Category Archives: RRC-VPM DT

>எய்ட்ஸ் நோயால் பாதிக்கப்பட்ட குழந்தைகளின் மறுவாழ்வுக்காக விளம்பரங்களில் நடிக்க கமல் முடிவு

>

எய்ட்ஸ் நோயால் பாதிக்கப்பட்ட குழந்தைகளின் மறுவாழ்வுக்காக வணிக ரீதியான விளம்பரப் படங்களில் நடிக்க நடிகர் கமலஹாசன் முடிவு செய்திருக்கிறார்.
எய்ட்ஸ் கட்டுப்பாட்டு சங்கத்தின் கீழ் இயங்கும் அரசு சார்ந்த அறக்கட்டளையின் விழிப்புணர்வு நிகழ்ச்சியில் அவர் இன்று கலந்து கொண்டு பேசினார். விளம்பரப் படங்களில் கடந்த 35 ஆண்டுகளாக நடிக்கவில்லை எனக் குறிப்பிட்ட கமல், எய்ட்ஸ் பாதித்த குழந்தைகளின் மறுவாழ்வுக்காக இனி விளம்பரப் படங்களில் நடித்து அதில்வரும் நிதியை அளிக்க இருப்பதாகத் தெரிவித்தார்.
இந்த நிதிக்கு அரசிடம் இருந்து வரிவிலக்குப் பெறப் போவதாகவும் அவர் குறிப்பிட்டார்

>செஞ்சுருள் சங்க ஆலோசனைக் கூட்டம்

>

செஞ்சி அரசு மகளிர் மேல் நிலைப் பள்ளியில் செஞ்சுருள் சங்க மாவட்ட கலந்தாலோசனை கூட்டம் நடந்தது.உதவி தலைமை ஆசிரியர் திலகவதி தலைமை தாங்கினார். மாவட்ட செஞ்சுருள் சங்க ஒருங்கிணைப்பாளர் தேவதாஸ் வரவேற்றார். தமிழ்நாடு , உயர் நிலைப்பள்ளி தலைமை ஆசிரியர் கழக மாநில துணைத்தலைவர் ஏழுமலை பேசினார்.கூட்டத்தில் எய்ட்ஸ் தடுப்பதற்கான விழிப்புணர்வு செய்திகளை மாணவர் களுக்கு கொண்டு செல்லும் முறைகள் தெரிவிக்கப்பட்டது.
எய்ட்ஸ் சார்ந்த குறும்படங்கள் திரையிடப்பட்டன.கல்வி மாவட்ட அளவிலான 150 பள்ளி ஒருங்கிணைப்பாளர்கள், கருத்தா ளர்கள் ஜெயச்சந்திரன், தண்டபாணி, ஞானவடிவு, செஞ்சி மருத்துவமனை ஐசிடிசி.,கவுன்சிலர் சரவணகுமார், டெக்னீசியன் விஜயகுமார் கலந்து கொண்டனர். நிகழ்ச்சி ஏற்பாடுகளை ஒருங்கிணைப்பாளர் ராமன், ஆசிரியர்கள் பாஸ் கரன், சிவக்குமார், காளிதாஸ், ஆல்பர்ட், வசந்தகுமார் செய்தனர். ஆசிரியர் அண்ணாமலை நன்றி கூறினார்.

>செஞ்சுருள் சங்கம் சார்பில் உலக எய்ட்ஸ் தின விழா

>

>எய்ட்ஸ் விழிப்புணர்வு கலை நிகழ்ச்சிகள்

>

உலக எய்ட்ஸ் தினவிழாவையொட்டி விழிப்புணர்வு கலை நிகழ்ச்சிகள் விழுப்புரம் சரஸ்வதி மெட்ரிக் பள்ளியில் நடந்தது. நிகழ்ச்சியில் ரெட் ரிப்பன் கிளப் மாவட்ட ஒருங்கிணைப்பாளர் தேவதாஸ் வரவேற்றார். பள்ளி தாளாளர் நாகராஜ், ஜே. ஆர்.சி., ஒருங்கிணைப்பா ளர்கள் முரளிதரன், இளங்கோ முன்னிலை  வகித்தனர். சி.இ.ஓ., குப்புசாமி தலைமை தாங்கி சிறப்புரையாற்றினார்.மாவட்ட கல்வி அலுவலர் பூபதி வாழ்த்துரை வழங்கினார். ஞானவடிவு, ஜெயச்சந்திரன்,தண்டபாணி  கலந்துரையாடல் நடத்தினர். ராமன் நன்றி கூறினார்.

>பாராட்டு சான்று

>

 

2010-2011 ஆம் கல்வி ஆண்டில் செஞ்சுருள் சங்கம் விழுப்புரம் மாவட்டத்த்தின் 436 பள்ளிகளில் சிறப்பாக செயல்படுத்தியமைக்காக செஞ்சுருள் சங்க வருவாய் மாவட்ட ஒருங்கிணைப்பாளர் கே.கே.தேவதாஸ் அவர்களுக்கு 26.01.2011 குடியரசு தின விழாவில் விழுப்புர மாவட்ட ஆட்சியர் இரா.பழனிச்சாமி அவர்கள் பாராட்டு சான்று வழங்கும் காட்சி.உடன் எஸ்.பி.பகலவன்,மாவட்டக் கல்வி அலுவலர் இரா .பூபதி ஆகியோர் உள்ளனர்.