எஸ்.எஸ்.எல்.சி. சிறப்பு துணைத்தேர்வு ஹால் டிக்கெட் பெற வழிமுறை

கடந்த மார்ச் மாதம் நடைபெற்ற எஸ்.எஸ்.எல்.சி தேர்வில் தேர்ச்சி பெறாத, வருகை புரியாத தேர்வர்களுக்கு மட்டுமே எஸ்.எஸ்.எல்.சி சிறப்புத் துணைத் தேர்வு நடத்தப்படுகிறது. பள்ளிகள் மூலமாகவும், தேர்வு மையங்கள் மூலமாகவும் தேர்வுக் கட்டணம் செலுத்தி விண்ணப்பித்த தேர்வர்கள் கடந்த 19–ந்தேதி முதல் www,tndge.in என்ற இணையதள முகவரியில் தேர்வுக் கூட அனுமதிச் சீட்டுகளை பதிவிறக்கம் செய்து கொள்ள ஏற்கனவே அறிவுறுத்தப்பட்டது.

எனினும், சில தேர்வர்கள் தமக்குரிய ஹால் டிக்கெட்டை மேற்குறிப்பிட்ட இணையதளத்தில் பதிவிறக்கம் செய்ய இயலவில்லை என தெரிவித்ததன் காரணமாக, இவ்வாறான தேர்வர்கள் தாங்கள் தேர்வுக் கட்டணம் செலுத்திய பள்ளி அமைந்துள்ள மாவட்டக் கல்வி அலுவலர் அலுவலகத்தை உடன் தொடர்பு கொண்டு தேர்வுக் கூட அனுமதி சீட்டினை பெற்றுக் கொள்ளுமாறு அறிவுறுத்தப்படுகிறது.

தேர்வுக் கட்டணத்தினை பள்ளியில் செலுத்தியதற்கு ஆதாரமாக, சம்பந்தப்பட்ட பள்ளி தலைமையாசிரியரிடமிருந்து ‘தேர்வர் தேர்வுக் கட்டணம் செலுத்தியுள்ளார் மற்றும் எஸ்.எஸ்.எல்.சி சிறப்பு துணைத் தேர்வெழுத தகுதியானவர்’ என கடிதம் பெற்று மாவட்ட கல்வி அலுவலர் அலுவலகத்தில் தேர்வர் சமர்ப்பித்த பிறகே ஹால் டிக்கெட் வழங்கப்படும்.

மேலும், தேர்வர் 2 பாஸ்போர்ட் அளவிலான புகைப்படத்தினை எடுத்து, ஒன்றினை தேர்வுக்கூட அனுமதி சீட்டில் ஒட்ட வேண்டும். மற்றொரு புகைப்படத்தினை தேர்வு மையத்தில் ஒப்படைக்க வேண்டும்.

இந்த தகவலை அரசு தேர்வுகள் இயக்குனர் கு.தேவராஜன் தெரிவித்துள்ளார்.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: