மெட்ரிகுலேஷன் பள்ளிகள் அடுத்த கல்வி ஆண்டிற்கான மாணவர் சேர்க்கையை 2014–ம் ஆண்டு மே மாதம் தான் தொடங்க வேண்டும். முன் கூட்டியே மாணவர் சேர்க்கையை மேற்கொள்ளும் பள்ளிகள் மீது நடவடிக்கை எடுக்கப்படும் என்று மெட்ரிகுலேஷன் பள்ளி இயக்குனரகம் எச்சரிக்கை விடுத்துள்ளது.

மெட்ரிகுலேஷன் பள்ளிகள் அடுத்த கல்வி ஆண்டிற்கான மாணவர் சேர்க்கையை 2014–ம் ஆண்டு மே மாதம் தான் தொடங்க வேண்டும். முன் கூட்டியே மாணவர் சேர்க்கையை மேற்கொள்ளும் பள்ளிகள் மீது நடவடிக்கை எடுக்கப்படும் என்று மெட்ரிகுலேஷன் பள்ளி இயக்குனரகம் எச்சரிக்கை விடுத்துள்ளது.

மெட்ரிகுலேஷன் பள்ளிகள் இயக்குனர் ஆர்.பிச்சை, அனைத்து முதன்மை கல்வி அலுவலர்கள், மெட்ரிகுலேஷன் பள்ளிகள் ஆய்வாளர்கள் ஆகியோருக்கு ஒரு சுற்றறிக்கையை வெளியிட்டுள்ளார். அதில் அவர் கூறியிருப்பதாவது:–

தமிழகத்தில் உள்ள சில மெட்ரிகுலேஷன் பள்ளிகள் நிர்வாகம், அடுத்த (2014–15–ம்) கல்வியாண்டிற்கான மாணவர் சேர்க்கையை, இந்த ஆண்டு டிசம்பர் மாதமே தொடங்கி விடுவதாக ஏராளமான புகார்கள் வந்துள்ளது. இவ்வாறு அடுத்த கல்வியாண்டுக்கு இப்போதே மாணவர் சேர்க்கை மேற்கொள்வது, விதிகளுக்கு புறம்பானது.

இலவச கட்டாய கல்வி உரிமைச்சட்ட விதிகளின்படி நுழைவுநிலை வகுப்புகளில், நலிவடைந்த மற்றும் வாய்ப்புகள் மறுக்கப்பட்ட பிரிவினருக்கு குறைந்தபட்சம் 25 சதவீத சேர்க்கை வழங்க வேண்டும். இந்த சட்டத்தின் அடிப்படையில், மாணவர்கள் சேர்க்கை நடைமுறைகள், அதை மேற்கொள்ள வேண்டிய மாதங்கள் ஆகியவைகளை நிர்ணயம் செய்து தமிழக அரசு 1–4–2013 அன்று அரசாணை பிறப்பித்துள்ளது.

இதன்படி, நலிவடைந்த, வாய்ப்புகள் மறுக்கப்பட்ட பிரிவு மாணவர்களுக்கு ஒதுக்கப்பட்டுள்ள 25 சதவீதம் இடங்களை நிரப்பும் நடவடிக்கையை ஒவ்வொரு ஆண்டும் மே மாதம் மேற்கொள்ள வேண்டும். எனவே, மாணவர் சேர்க்கையை முன் கூட்டியே (முந்தைய ஆண்டு டிசம்பர் மாதம்) நடத்துவது சரியான நடவடிக்கை அல்ல. இதனால், 25 சதவீதத்திற்கான இடஒதுக்கீடானது சரியாக ஒதுக்க இயலாத நிலை ஏற்படும்.

எனவே 2014–15–ம் கல்வியாண்டிற்கான மாணவர் சேர்க்கை 2014–ம் ஆண்டு மே மாதம் மட்டுமே நடத்த வேண்டும் என்று திட்டவட்டமாக அறிவிக்கப்படுகிறது. மாணவர் சேர்க்கையை முன் கூட்டியே மேற்கொண்டால், அந்த சேர்க்கை ரத்து செய்யப்படும். சம்பந்தப்பட்ட பள்ளிகள் மீது துறை ரீதியான நடவடிக்கை மேற்கொள்ளப்படும்.இவ்வாறு அதில் கூறியுள்ளார்.

இதேபோல, சி.பி.எஸ்.இ. கல்வி வாரியத்தின் மண்டல தலைமை அதிகாரிக்கும் கடிதம் ஒன்று அனுப்பப்பட்டுள்ளது. அதில், ‘தமிழக அரசின் உத்தரவுபடி, தமிழகத்தில் உள்ள சி.பி.எஸ்.இ. பள்ளிகள் 2014–15–ம் கல்வி ஆண்டுக்கான மாணவர் சேர்க்கை 2014–ம் ஆண்டு மே மாதம் தான் மேற்கொள்ள வேண்டும்.

இந்த உத்தரவை சி.பி.எஸ்.இ. பள்ளிகள் மீறுகிறதா? என்பது குறித்து தாங்கள் கண்காணிக்க வேண்டும். உத்தரவை மீறி மாணவர் சேர்க்கையை மேற்கொள்ளும் சி.பி.எஸ்.இ. பள்ளிகள் மீது மேற்கொள்ளப்பட்ட நடவடிக்கை குறித்த விவர அறிக்கையை பள்ளி கல்வித்துறைக்கு அனுப்பிவைக்க வேண்டும்’ என்று கூறப்பட்டுள்ளது.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: